CIKUMPAY
Disébut lémbur Cikumpay zaman
baheula aya Nyai anu geulis pisan. Éta kageulisanna kakoncara kamana-mana.
Ngaran éta Nyai nyaéta Nyai RangRang. Éta Nyai Rang-Rang téh ngahaduhan indung
téré jeung raka, éta indung jeung rakana kacida pisan galakna. Nyai Rang-Rang
téh geus dianggap kuli ku indung jeung rakana. Hiji mangsa Nyai Rang-Rang arék
nyeuseuh di walungan, tah Nyai Rang-Rang téh manggihan lauk anu beunang ku
pancingan, tuluy éta lauk téh ditulungan ku Nyai Rang-Rang, lauk anu ditulungan
éta ku Nyai Rang-Rang téh lain salauk-laukna. Éta téh jalmaan widadari anu
dikutuk jadi lauk kusabab ngalanggar paraturan kaum widadari. Éta lauk téh
ngarana lauk kumpay.
Singkat carita, indung jeung rakana
téh nyahoeun boh si Nyai Rang-Rang ngagaduhan lauk ajaib. Tuluy, dicokot éta
lauk kuindungna, tuluy éta lauk téh dipaéhan, nya ceurik téa atuh Nyai
Rang-Rang ningali éta lauk anu geus dipaéhan, da éta lauk téh geus dijadikeun
babaturan ku Nyai Rang-Rang.
Tuluy, ku Nyai Rang-Rang éta lauk
téh dikuburkeun. Dina hiji peutin Nyai Rang-Rang ngimpen lauk anu ngomong ka
Nyai Rang-Rang.
“ Cabut éta tangkal anu aya
dikuburan kaula, jadikeun pangajaran pikeun indung jeung raka anjeun.”Ceuk éta
lauk kumpay
Tah éta impenan, kapikiran ku Nyai
Rang-Rang, naon ari maksad éta impenan téh. Tuluy weh, dilaksanakeun éta
préntah lauk kumpay téa. Langsung dicabut éta tangkal anu aya di kuburan lauk
kumpay. Tuluy, kaluar cai anu kacida gédéna, anu nyebabkeun banjir. Éta banjir
téh nganyeubabkeun jadi situ, anu ngarana ayeuna katelah Situ Cikumpay. Aya ogé
anu nyaritakeun masarakat Cikumpay mah gareulis tur laleumpay, mantak disébut
Cikumpay. Cikumpay ogé hég make disébut lémbur lémpay apan tadi téa, Nyai
Rang-Rang anu geulis kacida anu kabawa ku banjir, aya ogé anu nyaritakeun cing
urang mana-mana datang ka Cikumpay, jadi gareulis tur lémpay, éta téh pangaruh
cai anu aya di Cikumpay mantak éta lémbur kateulah lémbur Cikumpay.
Tidak ada komentar:
Posting Komentar